.: நான் உனக்காக காத்திருந்த ஒவ்வொரு நொடியும்....................

Wednesday, March 28, 2012

நான் உனக்காக காத்திருந்த ஒவ்வொரு நொடியும்....................

நான் உனக்காக
காத்திருந்த
ஒவ்வொரு நொடியும்
சுகமாகத்தான் இருந்தது
அதற்காக
மீண்டும் ஒரு முறை
காத்திருக்க வைத்துவிடாதே
நதி அல்லாத
சில நாள் மரணத்திற்கு
வாழ்க்கைப்பட்ட நான்
மீண்டும் ஒரு முறை
மரணிக்க துடிக்கின்றேன்
ஏனெனில்
உனக்காக
மரணித்த நாட்கள்
சுகமாக இருந்தன

..........................................................................................................

No comments:

Post a Comment

காலத்தை மனதால் கணமும் நொந்தே.........................

மௌனம் உடையா பொழுதொன்று நிலவும்
முகமெல்லாம் ஒரு சோகம் படரும்
நகரும் நிமிடத்தில் மகிழ்ச்சி மின்னலாய் கீறிச்செல்லும்
அரிதான அன்பிற்கே நாட்கள் அத்தனையும் ஏங்கும்
உடைகூட ஆசை களையும்
உண்ணும் உணவெல்லாம் கடமைக்காகும்
உறக்கமது உச்சி வானம் தேடும்
உறவுகளின் விசாரிப்பு காதில் எங்கோ என்றோ கேட்கும்
பகலெல்லாம் பொழுது கணக்கும்
சட்டைப்பை சில்லறைத் தடவும்
முந்தானை ஓரத்தில் ஒரு கல்லேனும் முடியும்
படுக்க அன்றாடம் சுடுகாடே தேடும்
காதில் தனது பிள்ளை பேசினால் இனிக்கும்
வார்த்தை தடுமாறி பேரனின் ஒன்றோயிரண்டோ கேட்கும்
போகும்வரும் வாசலில் கண்கள் யாருக்கோ காத்திருக்கும்
போகாத உயிரை விட்டுவிட்டுப் பிடித்து வைக்கும்
வாழ்நாள் கனவுகள் வந்துவந்து மறையும்
வாழ்ந்த நாட்களை அசைப் போட்டுத் திரியும்
வந்த துணையின் பிரிவதை யெண்ணி -
பழுத்த மனசது பாவம் கண்ணீராய் கரையும்
காலத்தை மனதால் கணமும் நொந்தே; நொந்தே; சாகும்!!

உனக்காக நான் கொடுத்த இரவு...............

உன் கனவில்
நாள் தொறும் நான் வர
நீ கேட்ட என் இரவுகளை
நான் என்றோ
தொலைத்து விட்டேன்
உனக்காக நான் கொடுத்த
இரவு...............
கோடை காலத்துடன்
காலாவதி ஆகிவிட்டது
மரணம் மட்டும் நிரந்தரமாக இருக்க
தூர தேசத்தில்
திருவிழாக்காண எத்தனிக்கின்றது
எந்தன் மனம்....
தோல்விகளை தோளில் கட்டி
எங்கும் காவ எத்தனிக்கின்றது
எந்தன்
வறுமை மனம்.........

.

Wednesday, March 28, 2012